التعدين بكروت الشاشة سؤال و جواب

س : يعني ايه جهاز التعدين ؟

 جواب : جهاز كمبيوتر بيركب عليه اكتر من كارت شاشة (VGA Card) وبتشغله لمراقبة شبكة عملة رقمية وعمليات ارسال واستقبال العملة وبتاخد اجر مقابل ده.

س : يعني ايه عملات رقمية ؟

 جواب : العملات الرقمية أو الالكترونية (Cryptocurrency) او بتسمى العملات المشفرة هي بديلة عن العملات الورقية وبتتميز بسهولة التعامل بيها وسرعة نقلها ودرجة التشفير والحماية العالية ، بمعني انها مستحيل تتزور او تتكرر ، وحاليا بيتعامل بيها الملايين في العالم وآلاف مواقع الاستثمار والبيع والشراء والفنادق 
والمطاعم وخدمات تانية كتير .

س : ايه سبب اختراع التعدين ده ؟ وايه اهميته ؟

 جواب : زي ما قلنا التعدين مهم للعملات الرقمية لانه المسؤول عن سلامة العمليات الي بتتم داخل شبكة العملة الرقمية ، والتاكد انها سليمة ومش مزورة ولا مكررة

س : محتاج ايه علشان اعمل جهاز تعدين ؟

 جواب : هتحتاج جهاز كمبيوتر تقدر توصل عليه اكتر من كارت شاشة وباور كويس يقدر يغذي كروت الشاشة بالكهربا ووصلات ( رايزرات ) توصل كروت الشاشة باللوحة الام ( المازربورد)

س : عندي كمبيوتر في البيت وعايز اشغله تعدين ، ينفع ؟

 جواب : ممكن تشتري كارت شاشة او اكتر حسب ما الكمبيوتر بتاعك يسمح وتجيب باور كويس وتشتغل تعدين

س : ممكن اشغل كم كارت شاشة علي جهازي ؟ وينفع اشغل اكتر من باور ؟

جواب : حسب ما جهازك يسمح ، وعادة احنا بنجيب اجهزة بتشغل لحد ٦٦ كروت شاشة ، وينفع تشتغل باكتر من باور صغير وتوصلهم ببعض او باور واحد كبير

س : ينفع اجرب علي الابتوب بتاعي ؟ او كارت شاشة عندي ؟

 جواب : لازم كمبيوتر مكتبي وكروت شاشة معينة علشان يبقى في عائد والا هتبقى بتضيع وقتك وبتهلك جهازك

س : محتاج اعمل ايه بعد ما بجمع جهاز التعدين ؟

 جواب : بعد ما بتجمع جهازك وتعرف كروت الشاشة ، بتعمل محفظة علي منصة التداول والي فيها بتقدر تبيع وتشتري العملات الرقمية ، وبتاخد عنوان للمحفظة بتاعتك بتضيفه في برنامج بتستخدمه للتعدين ، وبتختار موقع للتعدين علشان يبعتلك ارباحك علي محفظتك باستمرار

س : انا باخد ارباحي ازاي ومن مين ؟

 جواب : نظام العملات الرقمية بالكامل بيشتغل بشكل لا مركزي يعني محدش مسؤول عن دفع ارباح ، واتفقنا ان ارباحك بتاخدها مقابل تشغيل جهازك في خدمة عملة رقمية ، والارباح بتتولد بشكل تلقائي من شفرة العملة علي شكل جزء من العملة دي ، يعني محدش يقدر يوقفها ، وبتجيلك باستمرار علي المحفظة الي انت بتعملها لما بتبدا التعدين

س: هقدر اقبض ارباحي ازاي في ايدي ؟

 جواب : ارباحك هتبقى جزء من العملة الي انت بتعدنها ، والعملة دي ليها قيمة في منصات التداول وتقدر تبدلها بعملة البتكوين وتبيعها بعد كده لاي حد محتاجها ، وفي جروبات كتير مخصصة  لبيع وشراء البتكوين والعملات الرقمية

س: هل الارباح بتبقى ثابتة ؟ واقدر احسبها ازاي ؟

 جواب : الارباح متغيرة حسب سعر العملة الي بتعدنها ومستوى الصعوبة او التنافس في التعدين ( عدد الاجهزة المتصلة علي شبكة العملة دي ) و سعر دولار البتكوين ، وبتقدر تحسب ارباحك من قوة جهازك التعدينية وفي مواقع بتقدر تقولك ارباحك الشهرية بالتقريب

س : يعني ايه قوة تعدينية ؟ وقوتي بتتحدد بناء علي ايه ؟

 القوة التعدينية هي قوة جهازك بالكامل في المشاركة في عملية التعدين وبتتحدد بقوة كروت الشاشة الي في جهازك ، وهي معروفة باسم هاش ريت

س : مش ممكن ينصب عليا واخسر فلوسي زي ما بيحصل في مواقع الاستثمار؟

 جواب : الفرق بين اجهزة التعدين ومواقع الاستثمار ان جهازك معاك وقدام عينك وده جهاز كمبيوتر ليه سعره وقمته وكل قطعة فيه ممكن تبيعها بعد كده وهتلاقي الي يشتريها ، 

 وقلنا ان ارباحك بتاخدها من برمجة وشفرة العملة نفسها ومحدش بيدفعها من جيبه والموضوع ده بيحصل بشكل تلقائي ولا مركزي ، يعني محدش ممكن ينصب عليك

س : جهاز التعدين محتاج سرعة نت عالية ؟ وبيصرف كهربا قد ايه ؟

 جواب : انت مش محتاج سرعة نت عالية واي سرعة ممكن تشغل جهازك ، وكل كارت شاشة بيصرف كهربا من ٥٠ ل ١٠٠ جنيه شهريا تقريبا

س : اجهزة التعدين اسعارها ايه وبتجيب ارباح ايه شهريا ؟

جواب : علشان تعمل جهاز تعدين كويس ب ٦ كروت شاشة ، هتصرف من 45 ل 65 الف جنيه والعائد الشهري من 250 ل 500 دولار تقريبا

س : لو معايا مبلغ ١٠ الاف او ١٥ الف وعايز ابدا بيهم اعمل ايه ؟

جواب : ممكن تبدا بمبلغ صغير وتكبر مشروعك مع الوقت ، وفي طريقتين لده

اما انك تشتري مكونات جهاز يشيل لحد ٦ كروت شاشة مستقبلا وده هيكلفك في حدود ١١١ الف جنيه حاليا ، وطبعا ده مجرد التاسيس لجهازك وهتشتري بعد كده كروت شاشة ببقية الفلوس

او انك تشتري مكونات جهاز يشيل كارتين او تلاتة وده هيكلفك حاليا في حدود ٣٥٠٠٠ جنيه ، وتشتري الكروت ببقية المبلغ بس مش هتقدر تركب كروت شاشة اكتر مستقبلا

س : مش ممكن التعدين ده يقف او العملة دي تقع ؟

 جواب : فكرة التعدين مش حكر علي عملة واحدة وفي عملات كتير ممكن نعدنها ، بس احنا بنختار العملة حسب العائد الاعلى ، والتعدين ضروري لاستمرار معضم العملات وفي استثمارات بملايين الدولارات في العملات الرقمية ، ولو فرضنا ان ده حصل فعلا فانت معاك كمبيوتر ليه سعره واستخداماته كتير في غير التعدين ، وكل قطعة فيه ليها سعرها.

س : جهاز التعدين محتاج متابعة وتفرغ ؟ ممكن اريح جهازي كل قد ايه ؟

 جواب : بمجرد ما تشغل جهازك ويستقر اداؤه مش هتحتاج اي متابعة ليه مجرد انك تبص عليه تتاكد انه شغال ، وانت هتقدر تعرف مجرد ما يفصل برسالة هتوصل علي ايميلك ، ومش محتاج تريح جهازك غير ساعة بالكتير كل اسبوع لو هتحافظ علي تهوية مناسبة للجهاز.

س : العمر الافتراضي لجهاز التعدين قد ايه ؟

جواب : العمر الافتراضي مش اقل من ٣ سنوات وبيوصل ل ١٠٠ سنوات لبعض جزاء الجهاز ، وده عمر مفترض ممكن تجصل مشاكل بعده وممكن جهازك يكمل معاك عادي بدون اي مشاكل

س : هي الاجهزة دي بضمان ؟ واعمل ايه لو باظ الجهاز مني ؟

 جواب : معضم الاجزاء في اجهزة التعدين بضمان محلي او دولي بالاضافة لانها قطع كمبيوتر عادية ، مراكز صيانة كتير بتصلحها ، يعني مش حاجة غريبة محدش يقدر يفكها او يصلحها

س : هل محتاج تكييف او مروحة لجهاز التعدين ؟ وهل صوته مزعج ؟

 جواب : هتحتاج تهوية مناسبة ومروحة او تكييف لجهازك في ايام الحر الشديد ، وااحنا ممكن نتحكم في كهربا وحرارة الكروت بحيث نقلل من الحرارة واستهلاك الكهربا ، وكل كارت شاشة فيه مروحة او اتنين وفيه حماية في حالة ارتفعت درجة حرارته ، وصوت جهاز التعدين بكروت الشاشة زي صوت المروحة العادية علي اقل درجة .

س : اقدر اشتري جهاز تعدين منين ؟ وهل متوفر في مصر ؟

 جواب : احنا بنبيع اجهزة التعدين وكل مستلزماتها وكل الحلول التكميلية ليها ، ومعضم مستلزمات اجهزة التعدين موجودة في كل محلات الكمبيوتر.

س : هل بحتاج حد يركبلي جهازي ويشغلهولي او ممكن اعمل ده بنفسي ؟

 جواب : لو عندك خلفية في تركيب اجهزة الكمبيوتر هتقدر تركب جهازك بسهولة ، لكن لازم تشتغل بتوجيهات مهندس يفهم في توزيع الاحمال والاسلاك علشان جهازك يستحمل الشغل ويعيش ، وبعد تركيب جهازك محتاج كمان تضبط كروت الشاشة علي افضل اعدادات علشان تجيبلك اعلى عائد وارباح باقل استهلاك كهربا واقل حرارة 

س : لو استثمرت مبلغ في اجهزة التعدين هقدر استرد راس مالي بعد قد ايه ؟

 جواب : بعد اقل من سنة هيكون معاك راس مالك كله وجهاز او اجهزة التعدين الي بتشتغل بيها ، لكن تقدر خلال السنة دي تستثمر العائد الي بيطلعلك باستمرار وتكبر مشروعك وتزود ارباحك

يُمكنكم رؤية الموضوع المُحدث 2022 

التعدين بكروت الشاشة في 2022 أفضل الكروت والعُملات وطُرق التعدين

انتظروا شروحات أخرى